Метки

, ,

Память 1 февраля по старому стилю / 14 февраля по новому стилю

Житие и страдание святого мученика Трифона, акафист, канон и молитва*

Святой мученик Трифон родился в начале III века близ города Апамеи во Фригийской области.

Ещё с юных лет почила на нем благодать Божия и Господь даровал ему силу чудотворения, дабы не только из уст сего младенца, но и из чудесных его дел совершить Себе хвалу. В Великих Минеях Четьих много повествуется об исцелениях от всяких болезней, совершенных святым отроком Трифоном, и об изгнании им бесов из людей, обращавшихся к нему. Мы же сначала расскажем об одном из многих его чудес, свидетельствующих о великой благодати Божией, почивавшей на нём, а затем будем повествовать об его страдании за веру Христову.

В двести тридцать восьмом году на престол римский вступил император Гордиан, которой, хотя и был идолопоклонник, но христиан не преследовал. Этот царь имел взрослую дочь, по имени Гордиану, — девицу, отличавшуюся умом и красотою, так что многие великие и славные князья желали взять ее в жены своим сыновьям. Но эту девицу, а с нею вместе и все ее семейство, постигло великое несчастье: по Божию попущению в нее вошел диавол, которой жестоко мучил ее, ввергая ее в огонь и в воду; приводимые к больной девице, известные своею мудростью врачи не могли помочь ей. Но вот, обитавший в девице, нечистый дух сам, по повелению Божию, провещал:

— Никто не может изгнать меня отсюда, кроме отрока Трифона.

Царь тотчас послал искать повсюду Трифона. Много было приводимо к царю людей, носивших то же имя, но ни один из них не мог изгнать беса из царской дочери. Наконец, привели к царю святого отрока Трифона, которого нашли во Фригии, в селении Кампсаде, где он пас гусей при одном озере; — отроку было тогда семнадцать лет. Когда святой приближался к Риму, диавол, узнав об его приходе и начав ещё сильнее мучить девицу, громко закричал:

— Не могу больше здесь жить, потому что приближается Трифон, и на третий день придет сюда, не могу более терпеть.

Прокричав так, нечистый дух вышел из девицы.

На третий день в город пришел святой Трифон и тотчас был приведен в царские палаты, где был весьма приветливо принят царем, ибо царь узнал в нём того Трифона, о котором упоминал диавол, выходя из девицы. Но чтобы больше убедиться в том, что именно Трифон исцелил его дочь, царь умолил его показать диавола воочию так, чтобы можно было видеть его телесными очами. Святой согласился на просьбу царя и шесть дней пребывал в посте и молитве и после того получил свыше ещё большую и сильнейшую власть над духами нечистыми. На седьмой день, при восходе солнца, царь пришел к блаженному со всем своим синклитом, желая видеть диавола. Тогда Трифон, исполненной Святого Духа, и духовными очами взирая на невидимого духа злобы, сказал ему:

— Тебе говорю, дух нечистый, во имя Господа моего Иисуса Христа, явись воочию перед находящимися здесь, и покажи им свой мерзкий и безстыдный образ, и яви немощь свою.

И тотчас диавол предстал пред всеми в виде черного пса, которой имел огненные глаза, а голову влачил по земле.

Святой обратился к нему с вопросом:

Кто послал тебя, демон, сюда, чтобы войти в отроковицу, и как ты дерзнул войти в созданную по образу Божию, сам будучи столь безобразен и немощен, и исполнен всякой мерзости?

Диавол отвечал:

— Я послан отцом моим — сатаною, начальником всякого зла, пребывающим в аде, от которого я получил повеление мучить эту отроковицу.

Тогда святой спросил его опять:

Кто же дал вам власть посягать на создание Божие?

Демон, хотя и против своего желания, но принужденный невидимою силою Божией, должен был сказать истину.

Мы не имеем власти над теми, — сказал он, — которые знают Бога и веруют в Единородного Его Сына — Христа, за Которого Петр и Павел умерли здесь, — от этих людей мы со страхом бежим, и, только когда нам бывает попущено, мы причиняем им совне лёгкие искушения. Которые же не веруют в Бога и Сына Божия и, будучи послушны своим похотям, творят угодные нам дела, над теми мы получаем полную власть, чтобы мучить их. Угодны же нам дела такие: идолопоклонение, хула, прелюбодеяние, чародейство, зависть, убийство, гордость; этими и им подобными делами люди, как бы сетями, опутываются, отчуждаются от Бога, Своего Создателя, и самовольно делаются друзьями нам, и вместе с нами принимают вечные муки.

Услыхав это, царь и окружающие его были поражены великим страхом и пришли в ужас; и многие, оставив нечестие, уверовали во Христа; а верующие получили ещё большее утверждение в своей вере, и прославили Бога.

Царь, щедро одарив святого, отпустил его с миром домой, но святой всё, что получил от царя, роздал дорогою нищим; сам же, возвратившись в отечество, предался обычным своим занятиям, исцеляя недужных и благоугождая Богу святым и непорочным житием.

После Гордиана римский престол занял Филипп, который царствовал недолго, будучи убит своими воинами; а после него воцарился свирепый Декий, воздвигший жестокое гонение на христиан; во время этого гонения было убито безчисленное множество христиан, причем многие из боязливых, страшась ужасных мук, отвратились от Христа, и склонились к идолопоклонству. Царь этот издал приказ своим эпархам и игемонам всюду преследовать христиан и убивать их безпощадно. На востоке в это время эпархом был некто Акилин; ему было донесено, что Трифон исповедует Христову веру и, проходя различные страны, врачует болящих, как весьма сведущий врач, и в то же время учит всех веровать во Христа и сим прельщает многих; повеления же царского Трифон не слушает, насмехаясь над всеми богами. Тотчас были посланы воины разыскать Трифона, которого вскоре и нашли: ибо не мог укрыться светильник, горящий ревностью по Боге и светящий верою и благими делами. Но и сам святой, узнав, что его ищут, не бежал в пустыню и не скрывался в горах и пропастях земных, но, вооружившись молитвою и крестным знамением, смело вышел к ищущим его и, отдавшись им в руки, с радостию пошел к эпарху Акилину, которой в то время находился в Никее. Когда Акилин, окруженной оруженосцами, начальниками, слугами и множеством людей, воссел на суде, Помпиниан, скриниарий большого чина, сказал ему:

— Вот юноша из города Апамеи, присланной к твоему величеству, предстоит пред светлым судом твоей власти.

Акилин сказал:

— Предстоящий пусть скажет нам свое имя, и отечество, и фортуну.

Святой отвечал:

— Имя мое — Трифон, отечество мое — селение Кампсада, близ города Апамейска, фортуны же мы не признаем, ибо веруем, что всё совершается по Божию промыслу и неизреченною Его мудростью, а не фортуною, и не зависит ни от течение звезды, ни от случая, как веруете вы. В жизни я руковожусь свободною своею волею, служа единому только Христу. Христос — вера моя, Христос — похвала моя, и венец славы моей.

Эпарх на это сказал святому:

— Вероятно, ты до нынешнего дня вовсе не слыхал о царском повелении, по которому всякий, кто называет себя христианином, и не покланяется богам, должен умереть злою смертью; итак, образумься и оставь свою льстивую веру, чтобы не быть вверженным в огонь.

Но Трифон воскликнул:

— О, если бы мне сподобиться чрез огонь и все муки получить кончину за имя Иисуса Христа, Господа моего и Бога!

Эпарх продолжал:

— Трифон, советую тебе принести жертву богам, ибо вижу, что ты, хотя и молод телом, но имеешь совершенной разум, и я не желаю, чтобы ты умер злою смертью!

— Я тогда буду иметь совершенной разум, — отвечал святой, — когда принесу Богу моему совершенное исповедание, и если сохраню неизменною, как многоценное сокровище, благочестивую веру в Него, и сделаюсь жертвою Тому, Кто Сам принес Себя в жертву ради меня.

Тогда эпарх, угрожая святому, с гневом вскричал:

— Огню предам твое тело, душу же твою укрощу самыми лютыми казнями.

Ты угрожаешь мне огнем угасающим, — отвечал Трифон, — после которого остаётся только пепел, я же вам, неверующим, угрожаю огнём вечным, неугасающим; оставь суетную веру твою и познай истинного Бога, чтобы не раскаяться тебе после, когда впадешь в огонь вечный.

Но Акилин, воспламенившись сильнейшим гневом, повелел бить святого, повесив его на дереве. Услыхав это приказание, Трифон сам тотчас снял с себя одежды и с радостью отдал тело свое палачам на истязание. Палачи, повесив его на дереве, со связанными сзади руками, жестоко истязали его в течение трех часов. Но святой мужественно терпел мучение, ни одного крика, ни одного стона не издав за всё время, пока его били. Когда кончили истязать его, Акилин снова обратился к нему с увещанием:

— Одумайся, Трифон, оставь свое безумие, обещай поклониться богам, ибо никто из нежелающих повиноваться царскому повелению не может избежать ужасной смерти.

Святой дерзновенно отвечал:

— И я тебе говорю, что никто, отвергающийся небесного Царя Христа, не может наследовать жизнь вечную, но будет послан в огонь вечный, никогда не угасающий.

Эпарх на это сказал:

— Нет другого царя небесного, кроме Зевса, сына Сатурнова, он есть отец и богов и людей, и если кто ему не кланяется, тот не может оставаться в живых; поклонись и ты ему, если хочешь наслаждаться сладостью сей жизни.

Тогда святой, желая просветить язычника светом истины и изобличить всю мерзость язычества, сказал Акилину:

Пусть будут подобны твоему богу Зевсу все поклоняющиеся ему и надеющиеся на него; а о нём повествуется, что он был первым пребеззаконным волхвом и пагубным чародеем, отцом всякого нечестия и безбожия, по смерти которого люди, желавшие следовать его злым делам, устроили ему золотых и серебряных идолов, назвав его богом; и сделали это затем, чтобы иметь оправдание и для себя самих в своей нечистоте и беззаконии, дабы никто не укорял их в постыдных делах, потому что и бог их был таков же; подобным образом и другие мерзкие и всезлобные люди были возведены на степень богов своими подражателями; вы же, веруя в эти древние нечестивые предания и ложные басни, покланяетесь бездушным и немым идолам, забывая о Боге живом, Который небо утвердил, землю основал на водах, и излил воздух; Бог, создавший каждую тварь и давший ей видимый образ, господином над всем поставил человека, созданного после; но человек, по зависти диавольской, прельщенный лукавым змием (Быт., 3 гл.), впал в безчисленные бедствия; тогда Бог Слово, умилосердившись над ним, по Своему изволению, Сам благоволил воплотиться, и явился в подобии человеческом, умер на кресте, был погребен, в третий день воскрес, восшел на небеса и сидит одесную Бога Отца, пока не познает Его всё создание; тогда Он опять придёт с силою и славою великою, и воздаст каждому по делам его. Он есть Бог богов и Царь царей, и Судия живых и мертвых; а почитаемые вами боги послужат на возжжение огня вечного со всеми поклоняющимися им.

После этого эпарх Аквилин, собравшись на охоту, велел захватить и святого Трифона, приказав привязать его к коню и вести за собою. Большие мучения пришлось выносить святому: пальцы ног его отрывались, потому что, при ужасном морозе, ноги его были босы, а конь наступал и давил их своими ногами, — и ступни его растрескались, но мученик, вперив духовный взор к Богу и, пламенея любовью к Нему, ни во что ставил эти мучение, и пел слова Давида: «Утверди шаги мои на путях Твоих, да не колеблются стопы мои» (Пс.16:5), и другие: «Утверди стопы мои в слове Твоем и не дай овладеть мною никакому беззаконию» (Пс.118:133).

Повторяя вместе с тем и слова святого первомученика архидиакона Стефана:

— «Господи, не вмени им греха сего» (Деян. 7:60).

Возвратившись после охоты, эпарх призвал к себе мученика и сказал ему:

— Теперь, несчастный, не надумал ли ты благоразумно принести жертвы богам, или остаешься в своем прежнем безумии?

Святой отвечал :

Ты сам, ослепленный диаволом, преисполнен безумия и невежества, потому что не можешь познать Создателя всех и поклониться Ему; а я остаюсь премудрым, не отступая от спасающей меня истины.

Эпарх велел отвести святого в темницу; а сам отправился в ближайшие пределы страны, где и оставался некоторое время.

По прибытии обратно в Никею, эпарх, явившись в судилище, снова вызвал Трифона и сказал ему:

— Не научило ли тебя продолжительное пребывание в узах повиноваться царскому повелению и обратиться к богам?

Бог мой и Господь Иисус Христос, — отвечал святой, — Которому я служу чистым умом, поучая, наставил меня и утвердил меня, дабы я мог неизменно и непоколебимо сохранить веру в Него: посему Ему Единому истинному Царю и Богу, я повинуюсь, и к Нему прибегаю, твою же и царскую гордость я презираю, а от почитаемых вами богов отвращаюсь.

Эпарх, сильно озлобясь, вскричал слугам:

— Вбейте острые гвозди в ноги его, и, водя по городу, бейте его.

Слуги тотчас исполнили приказание мучителя. Святого стали водить, или лучше сказать, влачить по городу, подвергая истязаниям, и он переносил ужасные страдания — как от вбитых в ноги гвоздей, так и от сильного мороза, по случаю суровой зимы. Но великий страдалец, имея пред духовным взором своим Христа, и взирая на будущие воздаяние, всё переносил с великим терпением и радостью; когда же он опять был приведен к эпарху, мучитель, удивляясь такому терпению святого, с великою досадою сказал ему:

— До каких же пор, Трифон, ты будешь нечувствителен к мукам, и когда же ты почувствуешь всю ужасную боль мучений?

Святой отвечал:

Когда же и ты познаешь силу Христову, во мне пребывающую; когда ты перестанешь, окаянный, искушать Святого Духа?

Тогда, пылая сильнейшею злобою, мучитель велел снова повесить его на дереве и нещадно бить железом, а бока его опалять горящими свечами. Всё это слуги исполнили с великим старанием; но внезапно свет небесной осиял святого, а на главу его спустился с неба прекрасной венец; пораженные этим видением мучители от страха пали на землю. Святой же Трифон, ощутив в себе пришедшую свыше помощь, исполнился радости и веселия и, молясь, говорил:

Благодарю Тебя, Господи, за то, что Ты не оставил меня без помощи в руках врагов моих, но защитил меня в день брани и дал мне спасение, и рука Твоя поддержала меня. И ныне молюсь Тебе, Господи, не оставляй меня, утверждая и защищая меня, и сподоби меня безпреткновенно совершить подвиг этот, дабы сподобиться получить венец правды со всеми возлюбившими имя Твое святое, ибо Ты один препрославлен во веки. Аминь.

После этого мучитель, приказав развязать связанного святого и призвав его к себе, начал с ласкою увещевать его, говоря:

— Трифон, принеси жертву великому Зевсу и поклонись царскому изображению, и я отпущу тебя.

Но Трифон, с улыбкою, отвечал:

Если я самому царю оказал презрение и его нечестивыми повелениями пренебрег, то неужели я поклонюсь его бездушному изображению? Этого не будет. О Зевсе же и других ложных богах ты спроси своих же мудрецов, которые скажут тебе о том, какие сочиняются басни об этих богах для покрытия их гнусных дел, прилагая наименование их к другим вещам, назвав небо — Зевсом, воздух — Герою, землю — Церерой, море — Посейдоном, солнце — Аполлоном, луну — Дианою. Эти же баснотворцы именами богов ваших назвали также различные дурные обычаи и страсти человеческие, измыслив бога гнева и войны — Марса, а блудную страсть назвав Венерою. И вот вы, оставив Создателя всех Бога, наполнили безумно всю вселенную идолами и тварь предпочли Творцу; и не только сами, будучи лишены здравого разума и совратившись с истинного пути, стремглав падаете в душепагубную пропасть, но и нас стараетесь увлечь туда же, чтобы сделать участниками вашей погибели, но, льстецы, вы не будете иметь никакого успеха! Ибо вы никогда не будете в силах совратить с истинного пути и склонить к вашим идолам надеющихся на истинного и живого Бога.

Выслушав эти слова, Акилин удивился такому дерзновению святого и, разгневавшись, приказал бить его без всякого милосердия; воины, взяв святого, истязали его в течение многих часов самым жестоким образом.

Наконец, мучитель, видя, что не может поколебать непоколебимого столпа веры и отвратить его от Христа, сделал о нем следующий окончательной приговор:

— Трифон Апамейский, противящийся царскому повелению и, после многоразличных мук, не пожелавший принести жертвы богам, должен быть казнен чрез усекновение главы.

И тотчас воины, взяв мученика, вывели его из города на место усекновения. Святой же Трифон, став лицом к востоку, обратился к Богу с такою молитвою:

— Господи Боже, Царь царствующих, святейший паче всех святых! Благодарю Тебя за то, что Ты сподобил меня совершить сей подвиг без преткновения. И ныне молюсь Тебе: не допусти коснуться меня уловляющей руке лукавого невидимого врага, дабы он не свел меня во глубину погибели, но введи меня в возлюбленные селения вместе со святыми Ангелами Твоими, и соделай меня наследником Твоего вожделенного царствия; приими в мире душу мою, всех же, которые будут воспоминать имя раба Твоего, и в память мою святые жертвы Тебе принесут, услышь с высоты святыни Твоей; и призри на них от святого жилища Твоего, подавая им обильные и нетленные дарования, ибо Ты один благий и щедрый Податель во веки веков.

Так молился святой. И вот ещё воины не успели усекнуть его главы, как Господь взял его душу; честное же тело Трифона осталось мертвым на земле. Находившиеся в Никее христиане обвили его чистыми плащаницами и умастили ароматами, намереваясь погребсти его у себя в защищение своему городу. Но святой, явившись им в видении, велел перенести мощи его в селение Кампсаду, место родины его, — и повеление его было исполнено.

Так святой Трифон, от юности посвященный Богу, приведший множество людей ко Христу, и исцеливший многих из них от болезней, после великих мучений, принятых за истину, увенчав нетленным венцом от Отца, и Сына, и Святого Духа, Единого в Троице Бога, Которому слава во веки. Аминь.

Тропарь, глас 4.

Мученик Твой, Господи, Трифон, во страдании своем венец прият нетленный от тебе Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси душы нашя.

Кондак, глас 8.

Троическою твердостию многобожие разрушил еси от конец всеславне, честен во Христе быв, и победив мучителей во Христе Спасителе, венец приял еси мученичества твоего, и дарования божественных исцелений, яко непобедимь.

Акафист святому мученику Трифону

Кондак 1

Избранный от Бога и к лику святых сопричтенный, святый мучениче Трифоне! Молися о нас, грешных, Владыце Христу и помогай нам побеждати мир, плоть и диавола, многообразно воюющия на ны, якоже победил еси их благодатию и силою возлюбленнаго тобою Христа, да, избавльшеся от врагов наших видимых и невидимых, благодарственно воззовем ти:

Радуйся, Трифоне, скорый помощниче всем, с верою и любовию к тебе притекающим!

Икос 1

Образу благочестия родителей твоих подражая, христианския нравы от лет малых приял еси, святый мучениче, и мал сый леты, стар же разумом, воистину христианин совершен явился еси. Мы же, воспоминающе добродетельное житие твое, восхваляем тя сице:

Радуйся, добронравных родителей благочестивый сыне; радуйся, великое их утешение. Радуйся, Ангела твоего Хранителя непрестанное веселие; радуйся, от юности твоея всего себе Богу предавый. Радуйся, от юности Христа возлюбивый; радуйся, от малых лет благодать Божию обильно стяжавый. Радуйся, душу свою непорочну явивый; радуйся, себе самаго в храм Духа Святаго уготовавый. Радуйся, отроком образ жития святаго показавый; радуйся, благочестием твоим верныя возвеселяяй. Радуйся, от малых лет за вся сия Богом возлюбленный.

Радуйся, Трифоне, скорый помощниче всем, с верою и любовию к тебе притекающим.

Кондак 2

Видя Господь, яко волею по стези благочестия, в немже от родителей твоих наставлен был еси, течеши, и яко воистинну любиши Бога, сотвори тя в жилище Святаго Духа  от  лет малых  и  отверзе  уста твоя пети Ему: Аллилуиа.

Икос 2

Силу веры твоея показуя, Владыка Христос дарова тебе, святый мучениче, еще отроку бывшу, дар чудотворений, сего ради вопием ти:

Радуйся, от малых лет совершенную любовь к Богу показавый; радуйся, заповедей Его не токмо слышатель, но и делатель от младенчества бывый. Радуйся, от юности твоея добродетели христианския стяжавый; радуйся, от малых лет житием, верою и любовию твоею Богу угодивый. Радуйся, дар исцелений от Него приявый; радуйся, дар той на пользу ближним иждивающий. Радуйся, многоразличныя болезни исцеляющий; радуйся, в недузех облегчение дарующий. Радуйся, страдания в радость обращающий; радуйся, исцеления сия во славу Божию совершающий. Радуйся, теми истину веры православныя показующий; радуйся, теми нас к славословию Бога возбуждающий.

Радуйся, Трифоне, скорый помощниче всем, с верою и любовию к тебе притекающим.

Кондак 3

Верою и любовию стяжал еси от Бога власть изгоняти духи нечистыя, мучащия человеки и претящия им воспевати Богу: Аллилуиа.

Икос 3

Видя дарованную ти, святый мучениче, силу Божию, вспять бежаша демони, имиже одержими бяху бесноватии людие. Видящии же сия, воспеваху ти сице:

Радуйся, от Бога власть на нечистыя духи приявый; радуйся, силою Божиею сих изгоняющий. Радуйся, врагу человеческому вредити людем возбраняющий; радуйся, козни диавола и ангелов его разрушающий. Радуйся, силу их низлагающий; радуйся, безсилие их являющий. Радуйся, страхом и трепетом их поражающий; радуйся, веры Христовы силу показующий. Радуйся, верных к прославлению Бога воздвигающий, радуйся, в бедах и скорбех сущих прибегати к предстательству святых наставляющий. Радуйся, в нуждах наших обращатися к Богу научающий; радуйся, помощниче наш, Богом нам дарованный.

Радуйся, Трифоне, скорый помощниче всем, с верою и любовию к тебе притекающим.

Кондак 4

Восхотев тобою обратити языки от пути нечестия и открыти им путь истинный, ведущий в Живот Вечный, си есть веру истинную, веру православную, даже до Рима из Компсады приведе тя Господь, да и в чертогах царских проповеси Бога и таю многий научиши пети Ему: Аллилуиа.

Икос 4

Хотяй обратити многия на путь спасения, попусти Господь демону вселитися в дщерь цареву, и жестоко мучити и ввергати ю многочастне во огнь и воду. Врачеве ничтоже успеваху и ничимже страдания дщери царевой утолити возмогоша. Егда же и сильнии мира сего и всякую врачебную хитрость ведущии ничтоже возмогоша и исповедаху немощь свою, тогда  велением Божиим проглагола диавол, яко един есть, иже изгнати его имать, и се есть Трифон. Тогда прилежно искаху и обретоша его в Компсаде. Грядущу же ему и еще далече от Рима сущу, возопи гласом велиим диавол и изыде, и исцеле девица. Видящии сия дивляхуся и глаголаху:

Радуйся, Трифоне, еще далече сущий в бегство диавола обративый; радуйся, яко диавол безсилие свое пред тобою исповеда. Радуйся, молящимся тебе скорый помощниче; радуйся, недугов силою Божиею целителю. Радуйся, оставленных врачами на свои руце приемлющий; радуйся, печали на радость пременяющий. Радуйся, печальным утешение и скорбящим радование посылающий.

Радуйся, Трифоне, скорый помощниче всем, с верою и любовию к тебе притекающим.

Кондак 5

Видеша вернии, иже в Риме, чудо, пришествием твоим бывшее, укрепишася в вере своей и воспеша Богу, победившему адскаго змия и дарующему верующим в Него таковую силу: Аллилуиа.

Икос 5

Уверения ища, тебе пришедшу в Рим, святый Трифон, яко ты еси той, егоже убояся демон, моли тя император Гордиан, да явиши и ему и синклиту его, и людем в чувственном виде диавола, и не отреклся еси, но, возложив на ся пост, помолися Господу дний шесть. В день же седмый, пришедшим царю, синклиту и людем, возопил еси: «Тебе глаголю, душе нечистый, во имя Господа моего Иисуса Христа явися семо и покажи свой демонский образ зде сущим, и безсилие свое исповеждь…». И бысть тако. И зряху вси безобразие демонское и дивляхуся вере святаго, вопиюще:

Радуйся, Трифоне, егоже демони ослушатися не могут; радуйся, Трифоне, по егоже велению дуси нечистии в телеснем виде являются. Радуйся, Трифоне, силою Божиею повелевый диаволу исповедати, яко, на христианы, иже святую православную и апостольскую веру содержат, власти не имать; радуйся, Трифоне, емуже возвещено бысть, яко демони власть имут мучити токмо тех, иже своим похотем греховным следуют и дела, угодная диаволу, творят. Радуйся, Трифоне, яко научил еси нас бегати языческаго нечестия; радуйся, Трифоне, яко научаеши всех бегати всякаго греха, в добродетелех же подвизатися. Радуйся, веру православную твердо содержати наставляяй нас; радуйся, хотящим благочестно жити помогаяй.

Радуйся, Трифоне, скорый помощниче всем, с верою и любовию к тебе притекающим.

Кондак 6

Видевше, како младо отроча повелевает властно духовом злобы поднебесной, убояхуся мнози, и слышаще от демона и видяще воочию, якову силу имать вера Христова, обратишася к Богу: нечестие же и прочая заблуждения своя отложше, крестишася и усты своими от сердца чиста благодарственно воспеша Богу песнь: Аллилуиа.

Икос 6

Благодаряще тя, царь вложи в руце твои, мучениче, дары и злато, ты же, Христа Бога приобревый ни во чтоже вменил еси вся, яже в мире сем яко блага почитаются, и приял еси дары царевы, да послужиши ближним твоим,         и шед во отечество твое Компсаду, дал еси вся нищим, сирым и всем в нужде сущим, непрестанно памятуя, яко расточив богатство земное, тленное, собереши себе на Небеси богатство нетленное, вечное. Мы же, научаемии тобою такожде творити, вопием ти сице:

Радуйся, Трифоне, душу свою чужду сребролюбия показавый; радуйся, милосердие души твоея выну являяй. Радуйся, нищих питатель бывый; радуйся, неимущим сострадание показавый. Радуйся, заповедь Христа «Просящему у тебе дай» исполнивый; радуйся, и нас исполняти заповеди Божии научивый. Радуйся, якоже шествием в Рим и возвращением своим в Компсаду многих утешивый, ободривый и возвеселивый; радуйся, показавый нам образ, како богатством гибнущим на земли негиблющее богатство на Небеси собирати. Радуйся, ближним служити нас научающий; радуйся, ближних любити нас наставляющий. Радуйся, образ жития праведнаго нам показующий, радуйся, яко правило веры в Бога, надежды на Него, любве к Нему и ближним и прочих христианских добродетелей яви нам собою.

Радуйся, Трифоне, скорый помощниче всем, с верою и любовию к тебе притекающим.

Кондак 7

Взыде на престол римский нечестивый царь Декий, и пролияся по вселенней кровь христианская.  Приближися время, егда и тебе, святый мучениче, суди Господь подъяти страдания, да кровию и мученичеством своим запечатлееши веру и великую свою любовь к Богу и тем до конца низложиши сопротивныя силы и наставиши многих, да грядут на мучения, радующеся, якоже и ты, страстотерпче, и поюще Богу: Аллилуиа.

Икос 7

Яко укрытися не может град верху горы стояй, тако и тебе, святый мучениче, гонению от Декия царя на христиан бывшу, невозможно бысть укрытися от мучителей, ибо ты, яве без страха Христа всем исповедав, силою слова обращение многих ко Христу устроил и многия в недузех именем Его исцелил еси. Уведевше же о тебе, святый Трифоне, игемон Аквилин, взя тя и пред судищем постави, ты же вся грядущая на тя в руце Бога твоего предал еси, радуяся яко и тя сподоби Господь быти общника страданий его, и вернии, видяще ревность твою по Бозе, вопияху ти:

Радуйся, Трифоне, ко спасению многих приведый; радуйся, многих от зловерия к вере истинней, православней обративый. Радуйся, чудесы твоими, силою Божиею содеянными, в вере, ими восприятой, их утвердивый; радуйся, яко действенная вера твоя в Бога выну всем по всей вселенней явися. Радуйся, безмездный врачу, силою Божиею, якоже древле, такожде и ныне всякую болезнь скоро врачующий; радуйся, надеждо оставленных врачами. Радуйся, скорое утешение болящих, на тебя надеясь, с молитвою прибегающих; радуйся, небоязненно проповедавый Христову веру. Радуйся, от неверных за проповедь Христа Бога на мучение ятый; радуйся, не устрашивыйся грядущаго мучения. Радуйся, научающий нас не боятися человеческих прещений; радуйся, во всем на Бога упование возложивый.

Радуйся Трифоне, скорый помощниче всем, с верою и любовию к тебе притекающим.

Кондак 8

Услышав, яко ищут тя воини, не утаился еси от них, мучениче,  ни в горах, ни в пустынех, но, оградився молитвою и крестом дерзновенно себе предал еси в руце мучителей и с радостию великою стопы твоя направил в Никею, да возвестиши всем веру истинную и наставиши пети Богу Аллилуиа.

Икос 8

Егда вопроси тя игемон на судилище: «Кто еси, кая судьба твоя, и како веруеши?» ты, не обинуяся, отвещал еси ему сице: «Трифон имя мое; отечество — Компсада, судьбы же несть у нас, зане веруем, яко вся Промыслом Божиим бывают. По вере же — христианин есмь, Христос же есть и моя сила, и моя крепость, и слава, и радость моя». Сие исповедание твое слышаще, ублажаем тя, святый Трифоне, сице:

Радуйся, неправедному судилищу дерзновенно представый; радуйся, верующих в Промысл Божий укрепляяй. Радуйся, люди, живот свой судьбе вверяющия, посрамляяй; радуйся, научаяй нас во всем упование наше на Бога возлагати. Радуйся, выну себе быти служителя Христова исповедуяй; радуйся, исповеданием тем веселие верным даруяй. Радуйся, соборища нечестивых исповеданием  святым  отлучивыйся; радуйся, грядущих мучений за нечестивых исповедание истиннаго Бога не устрашивыйся. Радуйся, истину единую Божественную возлюбивый; радуйся, лжи и отца ея, диавола, отвергийся. Радуйся, Христа своим упованием именуяй: радуйся, Его своею крепостию нарицаяй.

Радуйся, Трифоне, скорый помощниче всем, с верою и любовию к тебе притекающим.

Кондак 9

Слышавше твое исповедание, ярости исполнишася нечестивии и прещаху ти ранами и мучением. Ты же, мучениче Трифоне, подъятие страданий за Христа веселием почитая, взывал еси немолчно Богу песнь: Аллилуиа.

Икос 9

Ветия многовещанный Аквилин, видя, яко ты не убоялся еси прещений лютых, яко овча кроткое явися, ища прельстити тя словесы ласкательными, но ничтоже успевая, паки в волка лютаго обращься, усугубляше прещения своя. Ты же тверд и непоколебим пребыл еси благодатию Божиею, воздвизая верных возглашати тебе сицевая:

Радуйся, прещений лютых не убоявыйся; радуйся, смерти телесной не устрашивыйся. Радуйся, душу свою за веру православную положити не отрекшийся; радуйся, разум совершенный в том положивый, да сохраниши веру истинную во Единаго Бога. Радуйся, не к земней, но к Небесней мудрости устремивыйся; радуйся, игемону, врагу твоему, спасения желавый. Радуйся, к познанию истиннаго Бога привести мучителя твоего тщавшийся; радуйся, проповедниче Христов сладкогласный. Радуйся, христианине, Христом возлюбленный; радуйся, волею на страдания шедый. Радуйся, мучений тех за Христа, яко сокровища, хотевый; радуйся, во время мучений лютых Божественным светом осиянный.

Радуйся, Трифоне, скорый помощниче всем, с верою и любовию к тебе притекающим.

Кондак 10

Услышав тя глаголавша, яко не исповедующих истинныя, православныя веры жребий есть огнь неугасимый, зело разгневася Аквилин и повеле тя, святый Трифоне, повесив, бити; ты же, в повелении сем услышав Господень глас, призывавший тя на страдальческий подвиг, возопил еси Богу: Аллилуиа.

Икос 10

Яко свеща огнем возгарается, тако душа твоя, святый Трифоне, возгореся любовию к возлюбившему тя Богу, и, услышав повеление игемона, еже на тя, сам совлекл еси ризы твоя и тело твое предал еси в  руце мучителей, да сотворят вся, яже повеле игемон. Зряще таковую ревность твою по Бозе, вси вернии глаголаху:

Радуйся, с веселием уготовавый себе к приятию ран за Христа; радуйся, риз своих совлекийся ради обнаженнаго некогда за грехи наши Искупителя. Радуйся, добровольно в руце мучителей себе предавый, Христу подражая; радуйся от них связанный и повешенный на мучение. Радуйся, приявый за Христа лютая ударения; радуйся, три часа терпевый нещадное биение. Радуйся, мучиму бывшу, ни единаго стенания и ни единаго гласа испустивый; радуйся, биения, узы, раны, опаления и иныя многоразличныя страдания претерпевый. Радуйся, в молчании приявый ударения, от них же ранами изъязвися тело твое; радуйся, страданием своим силу Божию прославивый. Радуйся, терпением своим мучителей посрамивый; радуйся, подвигом своим христиан возвеселивый.

Радуйся, Трифоне, скорый помощниче всем, с верою и любовию к тебе притекающим.

Кондак 11

Видеша терпение и подвиг твой, святый Трифоне, еще же и адамантову крепость твою, и прославиша предстоящии людие Подвигоположника Христа Бога песнию: Аллилуиа.

Икос 11

Яко стену тверду и непоколебиму виде тя нечестивый судия, обаче не прослави Бога, даровавшаго тебе крепость сию, но паче тщашеся склонити тя и лестию и страхом смерти, да принесеши жертву бесовом. Ты же, святый мучениче, исповедав во ушию всех веру Христову, обличил еси безумие гонителей и показал еси мудрость тех, иже во Христа веруют; игемон же, измышляя на тя иная мучения, повеле тя со столпа сняти и, привязав к коню своему, влече за собою. Мы же потщимся прославити страдания твоя:

Радуйся, уязвленный телом и за конем быстро влекомый, радуйся, хлад зимний претерпевый Радуйся, научаяй нас в скорбех земных ум свой к Богу устремляти; радуйся, наставляяй в мире сем хладном согреватися любовию, яже к Богу. Радуйся, делом нам показуяй, како подобает ни во чтоже вменяти скоропреходящия на земле страдания; радуйся, любве и милосердия ко всем людем исполненный. Радуйся, ради любве тоя за враги своя молитвы Богу возносивый; радуйся паки в темницу вверженный и в заточении лютом томление, муку и болезни претерпевый. Радуйся, ясно являющии, яко лютейшая страдания земная ничтоже суть, аще к Богу прибегают людие и Бога ради терпят скорби и раны; радуйся, на усекновение главы твоея радостно шедый и пред усекновением тем в руце Бога твоего, Егоже ради вся лютая подъял еси, душу свою святую предавый. Радуйся, прежде усекновения моливыйся о всяком, иже воспоминати тя и в память твою святыя жертвы приносити будет, да услышит его Господь и всякое прошение его исполнит; радуйся, по успении твоем в видении повелевый погребсти тя во отечествии твоем, научая тем и нас свое отечество любити.

Радуйся, Трифоне, скорый помощниче всем, с верою и любовию к тебе притекающим.

Кондак 12

Не токмо на земли, святый мучениче, был еси помощник и заступник всем, твоея помощи требующим, но и по смерти не престаеши избавляти от бед к тебе с верою и любовию притекающих, якоже избавил еси царского гнева болярина Трифона, егда внезапу явился ему на коне и дал еси ему отлетевшаго царскаго сокола. Оный же Трифон сокольник на месте сем, идеже ему от тебе помощь явися, во благодарение тебе за избавление свое воздвиже святый храм во имя твое, мучениче Трифоне. Мы же благодеяния от тебе бывшая воспоминающе, возносим благодарственную Богу песнь: Аллилуиа.

Икос 12

Поюще твоя многоразличная чудеса, твою дивную и скорую помощь, яко никогоже усердно прибегающаго к тебе с верою, любовию и упованием никогда же отринул еси, но всех к тебе притекающих и пред святою иконою твоею смиренно молящихся от внезапных бед и скорбей избавляеши, прочее время живота их во благо устрояеши, недузи врачуеши, печали утоляеши и комуждо в бедах и скорбех к тебе припадающему помощь и ослабу даруеши, благодарне восхваляем тя сице:

Радуйся, наша моления и прошения приемляй, радуйся, за ны пред Престолом Божиим молящийся. Радуйся, от Бога милости нам непрестанно просящий; радуйся от нечаянных бед и зол непреложное наше избавление. Радуйся, от бед и напастей, движимых на ны грех ради наших, скорое прибежище, радуйся многия слезы от скорби проливаемыя, изсушивый. Радуйся, многия печали утоливый; радуйся, яко никтоже припадый к святей иконе твоей тощь от нея отъиде. Радуйся, всякаго притекающаго к тебе под кров свой и заступление приемляй;  радуйся, здравия требующим скорое исцеление. Радуйся, оставленных врачами и ради неисцельных и тяжких недуг своих чающих себе смерти, скорое и безмездное врачевание, радуйся, и ныне, якоже и древле, живу ти сущу, неизсякаемый источниче неизчетных и многообразных чудотворений.

Радуйся, Трифоне, скорый помощниче всем, с верою и любовию к тебе притекающим.

Кондак 13

О святый мучениче Трифоне! Приими сие малое, обаче от любящих и благодарных сердец приносимое тебе наше моление, вознеси ко Господу Богу теплыя молитвы твоя за ны, недостойныя: болящия исцели, печальныя утеши, заблуждшия вразуми, бедствующим помози, и вся      нам потребная для здравия телеснаго и спасения душевнаго у Бога Щедродавца испроси, наипаче же избави нас от лукавых бесов, да памятуя выну твоя дивная о нас заступления, прославим Бога, даровавшаго нам таковаго молитвенника, целителя и чудотворца, воспевающе песнь: Аллилуиа.

(Этот кондак читается трижды, затем икос 1 и кондак 1)

Канон святому мученику Трифону

Глас  8-й

Песнь 1

Ирмос: Воду прошед яко сушу, и египетскаго зла избежaв, израильтянин вопияше: избaвителю и Богу нашему поим.

Святый мучениче Трифоне, моли Бога о нас.

Воистинну Божественныя на Небесех сладости наслаждаяся, яко непобедим страдалец, твоими молитвами душу мою избави от страстей смущения.

Святый мучениче Трифоне, моли Бога о нас.

Глаголы Божественными огласився, совершил еси сия, преславне, деятельно святыню возлюбив и целомудрие облобызав.

Святый мучениче Трифоне, моли Бога о нас.

Был еси истинно пастырь, пасый души твоея в мудрости помышления, души обращая заблуждающия и Богу приводя, славне.

Слава Отцу и Сыну и Святому Духу и ныне и присно и во веки веков. Аминь.

Просвещаеши мя сиянием мысленным, осияние славы рождшая отчее, Всенепорочная Отроковице, и мрак греховный разори.

Песнь 3

Ирмос: Ты еси утверждение притекающих к Тебе, Господи, Ты еси Свет омраченных, и поет Тя дух мой.

Святый мучениче Трифоне, моли Бога о нас.

Притупил еси силу гордаго, славный мучениче Христов, свыше одеявся силою.

Святый мучениче Трифоне, моли Бога о нас.

Плотию обложен, шатания безплотнаго угасил еси врага и воплощеннаго Бога Слова проповедал еси.

Святый мучениче Трифоне, моли Бога о нас.

Единым токмо пришествием твоим духи лукавствия отгоняются, Духа Святаго гоними благодатию.

Слава Отцу и Сыну и Святому Духу и ныне и присно и во веки веков. Аминь.

Имея Тя помощь, не постыждуся, Пречистая Мати Божия, имея Тя Предстательницу жизни моея, спасуся.

Седален, гл. 4

Болезньми, блаженне, наслаждался плотскими, Божественную и неболезненную пищу достойно восприял еси, венец безсмертия от Бога прием. Темже и исцелений реки источаеши любовию прибегающим, мучениче, в кров твой.

Слава Отцу и Сыну и Святому Духу и ныне и присно и во веки веков. Аминь.

Ужасно чудо зачатия, и несказанен образ Рождества, в Тебе познася, Чистая Приснодево, ужасает мой ум, и удивляет помысл. Слава Твоя, Богородице, всем простреся во спасение душ наших.

Песнь 4

Ирмос: Услышах, Господи, смотрения Твоего таинство, разумех дела Твоя, и прославих Твое Божество.

Святый мучениче Трифоне, моли Бога о нас.

Зрящих удивил еси терпения, блаженне, твердостию: муки бо претерпел еси, яко в чуждем стражда телеси, мудре Трифоне.

Святый мучениче Трифоне, моли Бога о нас.

Питался еси, блаженне, ранами болезней, бием, ныне же наслаждаешися чистее, присносущныя славы насыщаяся.

Святый мучениче Трифоне, моли Бога о нас.

Стружему телеси твоему железных ногтей остротою, вжиляшеся, чудне, твоея души крепость, Божественною благодатию.

Слава Отцу и Сыну и Святому Духу и ныне и присно и во веки веков. Аминь.

На Тя упование мое все возлагаю, Мати Дево: душу мою сохрани, яже Бога рождшая, Спаса моего.

Песнь 5

Ирмос: Утренююще, вопием Ти: Господи, спаси ны, Ты бо еси Бог наш, разве Тебе иного не вемы.

Святый мучениче Трифоне, моли Бога о нас.

Кумиры прелестныя упразднил еси, страстотерпче, токмо бо возлюби еси Христову образу покланятися.

Святый мучениче Трифоне, моли Бога о нас.

Разумев пресветлую, славне страстотерпче, благодать Бога нашего, еяже ради пострадал еси.

Святый мучениче Трифоне, моли Бога о нас.

Божественною озарився благодатию, усердно, страдальче, Христа ради пострадал еси.

Слава Отцу и Сыну и Святому Духу и ныне и присно и во веки веков. Аминь.

Неизреченно бысть зачатие Твое, и Рождество несказанно: пребыла бо еси Чистая Приснодева.

Песнь 6

Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.

Святый мучениче Трифоне, моли Бога о нас.

Изсушив мерзкия жертвы, и приношения скверная, и неистовства идольская твоими кровьми, славне, напоил еси вся церковная благородная, Трифоне, прозябения.

Святый мучениче Трифоне, моли Бога о нас.

Струпи мученичестии яко миро благоухают, кровь страдалец источает исцеления, останцы же тела души освящают верою касающихся им.

Слава Отцу и Сыну и Святому Духу и ныне и присно и во веки веков. Аминь.

Яко одушевлен кивот прияла еси Слово Безначальное, яко Святое Святилище Зиждителя вместила еси, яко Престол огнезрачен носиши Владыку, Богомати, всея твари.

Кондак, гл. 8

Троическою твердостию многобожия разрушил еси от конец, всеславне, честен во Христе быв и, победив мучители во Христе Спасителе, венец приял еси мученичества твоего и дарования Божественных исцелений, яко непобедим.

Икос

Пение ми даруй, Боже мой, воспевати и глаголати, и почитати подвиги страстотерпца Твоего и мученика, яко да благосочетанно восхвалю добляго во страдании Трифона, победителя в страстех бывша всегда, великаго во благочестии, и в лице мученик возсиявшаго: в нихже поет непрестанно Христа, со множеством ангельским премудрый, приемля свыше Божественное осияние и моля непрестанно о всех нас.

Песнь 7

Ирмос: От Иудеи дошедше, отроцы, в Вавилоне иногда верою Троическою пламень пещный попраша, поюще: отцев Боже, благословен еси.

Святый мучениче Трифоне, моли Бога о нас.

Венценосец, ликуеши с лики мученик, веселяся, прелесть бо победив словом истинным, воспеваеши, радуяся: отец наших Боже, благословен еси.

Святый мучениче Трифоне, моли Бога о нас.

Владыка всяческих Своими страданьми венчает мученика и сего водворяет в селех Небесных, зовуща и глаголюща: отец наших Боже, благословен еси.

Слава Отцу и Сыну и Святому Духу и ныне и присно и во веки веков. Аминь.

Млада носящи Младенца, прежде всех век Бога, Всенепорочная, из Тебе воплощенна, не престай молящи спасти поющия: отец наших Боже, благословен еси.

Песнь 8

Ирмос: Седмерицею пещь халдейский мучитель Богочестивым неистово разжже; силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Святый мучениче Трифоне, моли Бога о нас.

Даже до усекновения и опаления, даже до кровепролития, даже и до смертныя кончины пострадал еси, сопротивляяся противу греха, мучениче Христов, ныне же, жизнь во Христе сокровенную приемь, взываеши: священницы, благословите, людие, превозносите во вся веки.

Святый мучениче Трифоне, моли Бога о нас.

На земли подвизался еси, с нечестивыми боряся, противу лестней и богоборней лести горце нудящим; на Небесех же, Трифоне, наслаждаешися, венец нося, и со Ангелы ликуеши, поя: отроцы, благословите, священницы, воспойте, людие, превозносите Господа во веки.

Святый мучениче Трифоне, моли Бога о нас.

Мучительское изобличил еси безбожие, всемудре, и демонское богоборство угасил еси струями кровей твоих; в Троице Единаго Бога достолепне и чисте возвещая и чествуя, взывал еси: отроцы, благословите, священницы, воспойте, людие, превозносите во вся веки.

Слава Отцу и Сыну и Святому Духу и ныне и присно и во веки веков. Аминь.

Глаголом Твоим последующе, ублажаем, Пречистая, Тя, Блаженную, плотию рождшую воистинну Блаженнаго, Света живущаго незаходимаго, и Светонаставника, и Светодавца Владыку, Егоже отроцы благословят, священницы воспевают и превозносят во вся веки.

Песнь 9

Ирмос: Тя, неискусобрачную Матерь Бога Вышняго, Тя, паче ума рождшую словом воистинну Бога, вышшую Пречистых сил, немолчными славословии величаем.

Святый мучениче Трифоне, моли Бога о нас.

Паче видимых мученическое чаяние полно безсмертнаго наслаждения: видится сих надежда, полна благоухания, и радости, и светлости неизреченныя. Темже достойно ублажаются.

Святый мучениче Трифоне, моли Бога о нас.

Свет был еси вторый, к Свету первому приближився, зарею Его просвещаемь и воображаемь, Трифоне мудре, и Того подательными светлостьми сияя; тем тя вси ублажаем.

Святый мучениче Трифоне, моли Бога о нас.

Явился еси неужасен в подвизех, страстотерпче, явился еси истинно тезоименит Божественней и святей пищи, еяже ныне восприемля и ясно наслаждался, спасение чтущим тя нам испроси.

Слава Отцу и Сыну и Святому Духу и ныне и присно и во веки веков. Аминь.

Умертви мудрование, Богородительнице, плоти моея и оживи душевное умерщвление действом Истинныя Жизни, из Тебе рождшияся плотию за неизреченное благоутробие и спасение поющих Тя.

Светилен

Пищи наслаждаяся преславныя и Божественныя, Ангелом единожитель был еси, блаженне; гуси пасый в лузех, от Бога приял еси благодать исцелений, Трифоне великомучениче, исцеляти человеческия немощи и недуги.

Слава Отцу и Сыну и Святому Духу и ныне и присно и во веки веков. Аминь.

Державным Твоим покровом, Чистая, нас рабов Твоих от навета вражия сохраняй всегда невредны: Тя бо Едину стяжахом прибежище в бедах.

Молитва святому мученику Трифону

О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас  пред Господем на всяком месте. Ты бо, угодниче Христов, в великих чудесех возсиявый, источаяй  цельбы притекающим к тебе с верою и сущия в скорбех человеки заступаяй, сам обещался еси  прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь  цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола  Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь.

* источник (с правкой): http://oprelesti.ru/index.php/kakim-svyatym-molitsya-ob-istselenii-ot-prelesti/205-muchenik-trifon

 

Реклама