Метки

,


Господи сил, с нами буди /O Lord of Hosts be with us (orthodox chant)

Господи сил, с нами буди, иного бо разве Тебе,
Помощника в скорбех не имамы: Господи сил, помилуй нас.

Хвалите Бога во святых Его, хвалите Его во утвержении силы Его. Хвалите Его на силах Его, хвалите Его по множеству величествия Его. Хвалите Его во гласе трубнем, хвалите Его во псалтири и гуслех.
Слава Отцу и Сыну и Святому Духу.

Господи, аще не быхом святыя Твоя имели молитвенники,
и благостыню Твою милующую нас: како смели быхом Спасе, пети Тя, Егоже славословят непрестанно Ангели; Сердцеведче, пощади души наша.
И ныне и присно и во веки веков. Аминь

Многая множества моих, Богородице, прегрешений, к Тебе прибегох, Чистая, спасения требуя. Посети немощствующую мою душу, и моли Сына Твоего и Бога нашего, дати ми оставление, яже содеях лютых, едина Благословенная.

Всесвятая Богородице, во время живота моего не остави мене, человеческому предстательству не ввери мя: но Сама заступи, и помилуй мя. Все упование мое на Тя возлагаю, Мати Божия, сохрани мя под кровом Твоим.

(Хор Московского Сретенского Монастыря — Choir Moskow Sretensky Monastery)


✞ Яко с нами Бог! ✞ Nobiscum Deus Dominus nobiscum etc ✞ Russian Orthodox chant

(9 глава пророка Исайи)
С нами Бог, разумейте, языци, и покаряйтеся: яко с нами Бог.
Услышите до последних земли: яко с нами Бог.
Могущия, покаряйтеся: яко с нами Бог.
Аще бо паки возможете, и паки побеждени будете: яко с нами Бог.
И иже аще совет совещаваете, разорит Господь: яко с нами Бог.
И слово, еже аще возглаголете, не пребудет в вас: яко с нами Бог.
Страха же вашего не убоимся, ниже смутимся: яко с нами Бог.
Господа же Бога нашего, Того освятим, и Той будет нам в страх: яко с нами Бог.
И аще на Него надеяся буду, будет мне во освящение: яко с нами Бог.
И уповая буду на Него, и спасуся Им: яко с нами Бог.
Се аз и дети, яже ми даде Бог: яко с нами Бог.
Людие ходящии во тме видеша свет велий: яко с нами Бог.
Живущии во стране и сени смертней, свет возсияет на вы: яко с нами Бог.
Яко Отроча родися нам, Сын, и дадеся нам: яко с нами Бог.
Егоже начальство бысть на раме Его: яко с нами Бог.
И мира Его несть предела: яко с нами Бог.
И нарицается имя Его велика совета Ангел: яко с нами Бог.
Чуден Советник: яко с нами Бог.
Бог крепок, Властитель, Начальник мира: яко с нами Бог
Отец будущего века: яко с нами Бог.
С нами Бог, разумейте, языци, и покаряйтеся: яко с нами Бог.

Реклама